تبلیغات
بندپی غربی روستای فیروزآباد

بندپی غربی روستای فیروزآباد
 
نظر سنجی
شما کدام قسمت را می پسندید










خِدایا تِه نوم جا کِمّه آغاز

تِه وَر زار زَمه، کِمّه راز و نیاز

 

تا یاری هکنی این بی صدارِ

ونگِ وا کنّه شه جان خدارِ

دلِ درد رِ گِمه رُخته ی جا

کِلاروی فِدا، مِه دردِ دوا

 

مَردِمِ چش تِه گیسه ی جا مسّهِ

پیچا پیلِچ تِه می دسّه به دسّه

 

تِه دور وَر هَمه دَشتیِ خَسّه

خِنه بِساتِنه رَسّه به رَسّه

 

خِدا تِه جا اِمارِ شاد هَکِرده

تِه وَر چَن تا مِحَل آباد هَکِرده

 

تِه راسِ اویِ پِه دییا چِه خوارِ

دِلودبارِ مِحَل، خِش تِه کِنار

 

سَربورا با بورا و مِقریکِلا

گذر کِنّی میونِ لَمسوکِلا

 

تا بَیکِلا شونه بَیروبِن او

میونِ بِزروپِه کیله یِ بِزرو

 

دَشتی خّشروپه او گیِنه تِه جا

شونتاشِ دِشت، سبزِ رو گیِنه تِه جا

 

دَشتِ پِتروپِه سبز و کَرکِنار سبز

سفیدِ طور و کِنارِ پَمّه جار سَبز

 

سَنگِ روپه تِه جا نوم بَیتا نِشون

پاریکِلا هَسّه تِه اویِ مَدیون

 

کاردیکِلای دَشتی چِه خِشاله

صِفا دَشت کنارِ فکچاله

 

خَلِه محل تِجا خِشحال و خَندون

تِه او اَمِه ایمون و پیلهٔ نون

 

خوامه تِه گوش بَخونّم رسم مردِم

ته نِوازش بَوه هر درد رِ مَلْحِم

 

گمِه قدیمیِ درد و بِلاره

خسّه تنِ دور، غیرت بلاره

 

اَتی خوامه بَوم دشتیِ دردِ

وشونِ روزگار همیشه سردِ

 

اَتی از شِه مَحْلِه کِمّه روایت

قدیم شونیشت رِ کوّه حکایت

 

اتی کمّه درد دل با کلارو

اَتی تَعریف کِمّه وِنِه بِک و بو

 

گمِه قدیمِ مُحَرم نالش

عزاداری کردنه بینه ناخِش




[ پنجشنبه 23 شهریور 1391 ] [ 06:04 ب.ظ ] [ حسن خلیلی زاده حاجی ]
درباره وبلاگ

سلام. به وبلاگ روستا فیروزآباد خوش آمدید. نظر یادتون نره. ایمیل khalili3269@yahoo.com
آمار سایت
بازدیدهای امروز : نفر
بازدیدهای دیروز : نفر
كل بازدیدها : نفر
بازدید این ماه : نفر
بازدید ماه قبل : نفر
تعداد نویسندگان : عدد
كل مطالب : عدد
آخرین بروز رسانی :
امکانات وب